පොල් මිල ඉහළ යාම හේතුවෙන් සහන මිලට පොල් ලබාදීමට පොල් වගා කිරීමේ මණ්ඩලය මේ දිනවල කටයුතු කරමින් තිබේ.ඒ අනුව හෙට දවස පුරා නාරාහේන්පිට නගරයේදී ජංගම ලොරි රථ මගින් පොල් අලෙවි කිරීමට සැලසුම් කර ඇත.අනිද්දා දෙහිවල නගරයේදී ද එම වැඩසටහන ක්‍රියාත්මකය.එහිදී සාමාන්‍ය ප්‍රමාණය පොල් ගෙඩියක් රුපියල් 110ක සහන මිලකට අලෙවි කරයි.එක් පුද්ගලයෙකුට පොල් ගෙඩි පහක් බැගින් නිකුත් කිරීමට කටයුතු කරන අතර ගැබිණි මාතාවන්ට හෝ වයෝවෘද්ධ පුද්ගලයන්ට පොල් ගෙඩි දහය බැගින් ද නිකුත් කරයි.ඉතා ඉහළ මිලකට පොල් අලෙවි කරමින් පැවතීම පාලනය වනතුරු මෙම කටයුත්ත ක්‍රියාත්මක කරන බවද මණ්ඩලය කියා සිටී.