මෙවර මහ මැතිවරණය සඳහා ඉලංගෛ තමිල් අරසු කච්චි පක්ෂය එම පක්ෂයේ නම සහ ලාංඡනය යටතේ තරග වදින බව හිටපු පාර්ලිමේන්තු මන්ත්‍රී එම්. ඒ. සුමන්දිරන් මහතා පවසයි.
ඒ අනුව, එක් එක් දිස්ත්‍රික්කය සඳහා කාන්තා නියෝජනය සම්බන්ධයෙන් ඉදිරියේදී තීරණය කරන බවත් අම්පාර හා ත්‍රිකුණාමලය දිස්ත්‍රික්ක වෙනුවෙන් තරග කරන කණ්ඩායම් සම්බන්ධයෙන් ද තීරණයක් ගැනීමට නියමිත බැවින් තවමත් නාමයෝජනා ලැයිස්තු අවසන් කර නොමැති බවත් ඒ මහතා ප්‍රකාශ කළේය.
එම්. ඒ. සුමන්දිරන් මහතා මේ බව පැවසුවේ එම පක්ෂයේ නාමයෝජනා කමිටුව රැස්වීමෙන් අනතුරුව මාධ්‍ය වෙත අදහස් දක්වමිනි.