ප්‍රභු ආරක්ෂක කොට්ඨාසයේ (2018-2022) සාමාන්‍ය වාර්ෂික වියදම රුපියල් මිලියන 4,342ක් වුවද ඉකුත් වර්ෂයේ (2023) ප්‍රභු ආරක්ෂක වියදම රුපියල් මිලියන 5,833 දක්වා වැඩිවි ඇති බව ජාතික විගණන කාර්යාලය මගින් නිකුත්කොට ඇති වාර්තාවක සදහන් වේ.
ප්‍රභු ආරක්ෂාව සැලසිමට අදාල පොලිස්පතිගේ 2020 සැප්තැම්බර් මස 30 දිනැති අංක 2687/2020 දරන චක්‍ර ලේඛයට පරිබාහිරව මහජන ආරක්ෂක අමාත්‍යංශයේ ප්‍රභු ආරක්ෂාව සදහා නිලධාරින් අනුයුක්ත කිරිමේ කමිටුව විසින් ප්‍රභු ආරක්ෂකයින් යොදවා තිබුණි.
මෙම කමිටුව විසින් හිටපු ආණඩුකාරවරුන්, හිටපු මන්ත්‍රිවරුන්, හිටපු ප්‍රධාන අමාත්‍යවරුන්, ආගමික නායකයින් හා වෙනත් ප්‍රභූන් හා විවිධ තැනැත්තන් සඳහා අනුමත සිමාව ඉක්මවා ප්‍රභූ ආරක්ෂකයින් වසර ගණනාවක සිට අනුයුක්ත කර සිටින අවස්ථා පැවති බවද විගණන වාර්තාවේ සඳහන් වේ.
එමෙන්ම මේ අයුරින් චක්‍ර ලේඛනයේ නියමයන් යටතේ ප්‍රභූ ආරක්ෂාව සැලසිය යුතු ප්‍රභූන් වෙතද අනුමත සිමාව ඉක්මවා ප්‍රභූ ආරක්ෂකයින් වසර ගණනාවක සිට අනුයුක්ත කොට තිබුණි. ඒ සදහා පවතින නෛතික ප්‍රතිපාදන කවරේද යන්න විගණනයට අනාවරණය වී නැත.
එමෙන්ම චක්‍ර ලේඛයට පරිබාහිරව අනුයුක්තකර සිටින නිලධාරින් වෙනුවෙන් ගෙවා ඇති වැටුප් හා දිමනා වියදම් ඇතුළු විශේෂ දිමනා පිරිමැසුම් දායක නොවන වියදම් බව ද විගණනය මගින් අනාවරණය කොට ඇත.
ප්‍රභූ ආරක්ෂක කොට්ඨාසය යටතේ පවතින පොලිස් කොට්ඨාශ 09 සඳහා 2022 ජනවාරි මස 01 වැනි දිනට නිලධාරින් 3,894 දෙනෙකු අනුයුක්ත කොට සිටියහ. එහෙත් ඉකුත් වර්ෂයේ (2023) සැප්තැම්බර් මස 30 වැනිදින සිට අනුයුක්ත නිලධාරින් සංඛ්‍යාව 4,859 දක්වා වැඩිකර තිබුණි..