කැලණිය විශ්වවිද්‍යාලයේ නේවාසිකාගාරයක ගොඩනැගිල්ලකින් ඇදවැටී සිසුවෙක් මියගොස් තිබේ.
පොලීසිය පැවසුවේ, අනතුරින් මියගිය සිසුවා 24 හැවිරිදි වියේ පසුවන අතර ඔහු කන්දේගම, රිදීමාලියද්ද ප්‍රදේශයේ පදිංචිකරුවෙක් වන බවයි.
මියගිය සිසුවා, කැලණිය විශ්වවිද්‍යාලයේ 4 වන වසරේ කළමනාකරණ පීඨයේ ඉගෙනුම ලබමින් සිට තිබේ.
ඔහු අද අලුයම එම ගොඩනැගිල්ලෙන් වැටි ඇති බව පොලීසිය ප්‍රකාශ කළේ ය.
සිද්ධිය සම්බන්ධයෙන් වැඩිදුර විමර්ශන ක්‍රියාත්මකයි.